Inauguracion di Kudawecha Ballpark
ORANJESTAD – Dia 6 di september 2024, a tuma luga e inauguracion di Kudawecha Ballpark na Noord, despues cu esaki a pasa den un proceso di renovacion completo.
Durante e ceremonia di apertura, Juan David a canta Himno di Aruba y Kudawecha a presenta nan directiva nobo y alabes gradici Gobierno y Lotto pa Deporte pa nan contribucion pa por a realisa e proyecto aki. Kudawecha Ballpark awo ta conta cu un veld di turf, luz, “backstop” y “dugouts” completamente nobo, cla partido di baseball y softball.
Despues di e ceremonia di apertura, a tuma luga lansamento di e prome bala pa Kudawecha Ballpark keda oficialmente inaugura. Minister di Turismo Dangui Oduber a fungi como pitcher, catcher tabata Demian Kelly, Minister di Deporte Endy Croes tabata na bate y e umpire tabata Kenneth Wever. Minister di Deporte a gradici Kenneth Wever, Damian Kelly y tur esnan cu a maneha e veld pa hopi aña. Esaki ta un soño di Coby de Cuba (den feliz memoria) cu a bira realidad.