Groundbreaking di proyecto di embeyecemento di Rodger’s beach

E acercamento di e proyecto aki ta riba e principio di “Build with Nature” cual Departamento di Obra Publico (DOW) ta aplicando pa algun tempo caba.

Esaki ta encera cu lo cuida e naturalesa y duna bek na naturalesa loke ta di dj’e. 
Durante e proyecto di embeyecemento di Rodger’s Beach, lo kita e asfalt unda actualmente autonan ta staciona y move esaki mas patras y asina expande e beach y crea mas espacio pa e pueblo por disfruta.

Prome Minister Evelyn Wever-Croes Minister di Turismo y Salud Publico Dangui Oduber, Minister di Enseŕansa, Endy Croes y Minister di Finansa y Cultura Xiomara Maduro tawata presente pa e ocasion aki.

E proyecto di embeyecemento di Rodger’s Beach ta un colaboracion entre Aruba Tourism Authority (ATA), DOW y varios otro stakeholder, y tin un duracion di aproximadamente 4 luna.