Gobernador ta ricibi tres miembro di e Caribbean Arthritis Foundation
ORANJESTAD - Diabierna dia 5 di juni, Gobernador di Aruba, Su Excelencia Alfonso Boekhoudt, a ricibi tres miembro di e Caribbean Arthritis Foundation pa un audiencia.
Presente na e reunion tabata Sr. Francisco van der Mey – Presidente, Sr. Israel (Ike) Posner – Secretario, y Sr. Edbert Schwengle, Miembro di Directiva.
Durante e audiencia a informa Gobernador riba e desaroyonan actual dentro di e fundacion, actividadnan actual y deseonan pa futuro.
A lanta Caribbean Arthritis Foundation pa fortalece e posicion di personanan cu condicionnan relaciona cu reumatismo. E fundacion ta traha pa e meta aki hunto cu pashent y non-pashent.
Potretnan: © Kabinet Gouverneur Aruba