Gobernador ta ricibi Presidente y Tesorero di Fundacion pa Esnan cu Deficiencia Auditivo Aruba (F.E.D.A.A.)
ORANJESTAD - Diabierna, 26 di september ultimo Gobernador di Aruba, Su Excelencia Alfonso Boekhoudt, a ricibi sra. Stella Montsano, Presidente di Fundacion pa Esnan cu Deficiencia Auditivo Aruba (F.E.D.A.A.) y sra. Jasmin Rasmijn-Laclé, Tesorero di F.E.D.A.A., pa un audiencia.
Durante e audiencia nan a entrega na Gobernador un cuadra di e alfabet di idioma di seña Arubano.
F.E.D.A.A. ta ofrece ayudo y guia na personanan cu problema auditivo den nos comunidad.
Tambe durante e audiencia a intercambia ideanan tocante desaroyonan actual dentro di F.E.D.A.A. y e posicion social di ciudadanonan sordo y cu limitacion di oido.
Potret: © Kabinet Gouverneur Aruba
