Gobernador ta ricibi Presidente di Banco Central di Aruba (CBA).

ORANJESTAD - Diamars mainta dia 28 di october ultimo Gobernador di Aruba, Su Excelencia Alfonso Boekhoudt, a ricibi Sra. Jeanette Semeleer, Presidente di Banco Central di Aruba (CBA). 

Dia 30 di november 2025 Sra. Semeleer lo baha como Presidente di CBA pa motibo di su pensioen, haciendo esaki su ultimo audiencia cu e Gobernador den e funcion aki. 

Durante e reunion Gobernador a expresa su aprecio pa e liderazgo cu Sra. Semeleer a demostra durante su tempo na mando di CBA.

Potret: © Kabinet Gouverneur Aruba

Gobernador di Aruba, S.E. Alfonso Boekhoudt, ta ricibi Sra. Jeanette Semeleer, Presidente di Banco Central di Aruba (CBA).