Gobernador ta ricibi Embahador di India na Den Haag
ORANJESTAD - Diaranson mainta 3 di december ultimo Gobernador di Aruba, Su Excelencia Alfonso Boekhoudt, a ricibi Sr. Kumar Tuhin, Embahador di India na Den Haag, pa un audiencia na Cas Ceremonial di Gobernador.
Durante e audiencia e Embahador tabata acompaña pa Sr. Krish Gupta, Director di Centro Cultural Ghandi na Den Haag, Sr. Prakash Gupta, Consul Honorario di India na Aruba y Sra. Jocelyne Croes, directora di Departamento di Relacion Exterior.
Tabata un bishita di introduccion y cortesia pa reafirma e amistad entre India y Aruba, tambe pa reconoce e contribucionnan di e diaspora di India y pa identifica avenidanan nobo pa cooperacion.
Potretnan: © Kabinet Gouverneur Aruba