Gobernador ta ricibi e representante di PAHO/WHO pa Trinidad y Tobago y e parti Caribense di Reino Hulandes

E file aki ta den archivo.

ORANJESTAD - Riba 15 di mei 2024, Gobernador di Aruba, Su Excelencia Alfonso Boekhoudt, a cera conoci cu Dr. Gabriel Vivas Francesconi na Cas Ceremonial di Gobernador. Dr. Vivas ta e representante di PAHO/WHO pa Trinidad y Tobago y e parti Caribense di Reino Hulandes. 

Aruba ta un miembro asocia di PAHO y via e organisacion aki ta conecta na e tematica di salud publico internacional. Dr. Vivas Francesconi a wordo acompaña pa entre otro PAHO Programme Management Specialist, Sra. Nicola Taylor.

E combersacion cu Dr. Vivas Francesconi a toca entre otro e desafionan riba tereno di salud publico cu e islanan Caribense chikito manera Aruba ta encontra, incluyendo e necesidad pa sigui stimula un estilo di bida saludable pa preveni malesa.

Potretnan: © Kabinet Gouverneur Aruba
 

Gobernador ta ricibi e representante di PAHO/WHO pa Trinidad y Tobago y e parti Caribense di Reino Hulandes