Gobernador ta ricibi e Prome Minister di Hulanda
ORANJESTAD - Diasabra ultimo, dia 8 di november 2025, Gobernador di Aruba, S.E. Alfonso Boekhoudt, a ricibi e Prome Minister di Hulanda na Cas Ceremonial di Gobernador.
Prome Minister Schoof a pasa bishita Aruba riba su caminda pa e CELAC-EU-top na Santa Marta, Colombia despues di a sali for di e Klimaattop COP30 na Belém, Brasil.
Na e encuentro na Cas Ceremonial, a combersa entre otro di e desaroyonan politico actual na Aruba y den region di Caribe.
Potretnan: © Kabinet Gouverneur Aruba