Gobernador ta ricibi Director di Union di Organisacionnan Cultural Arubano (UNOCA)
ORANJESTAD - Gobernador di Aruba, Su Excelencia Alfonso Boekhoudt, a ricibi Sra. Raquel Lampe, Director di Union di Organisacionnan Cultural Arubano (UNOCA), den audiencia diaranson dia 7 di october ultimo.
Sra. Lampe su nombramento a drenta na vigor dia 1 di september 2026. E bishita aki tabata principalmente pa por a cera conoci cu otro.
UNOCA ta maneha e Fondo Cultural Aruba y ta dedica na crecemento cultural riba e isla. E organisacion ta duna sosten financiero na varios projecto y iniciativa artistico. Adicionalmente e organisacion ta promove desaroyo di arte, conservacion di herencia local, y creatividad na Aruba.
Potret: © Kabinet Gouverneur Aruba
