Gobernador ta ricibi Director di Stichting Casa Cuna Progresso (SCCP)
ORANJESTAD - Diaranson atardi 7 di october ultimo, Gobernador di Aruba, Su Excelencia Alfonso Boekhoudt, a ricibi Sr. mr. Jermin Bell, Director di Stichting Casa Cuna Progresso (SCCP), den audiencia.
Sr. Bell ta trahando na SCCP for di augustus 2025. E bishita aki tabata principalmente pa por a cera conoci cu otro.
SCCP ta un cas di mucha cu ta provee cuido, sosten y proteccion temporal 24 ora pa dia na muchanan chikito cu, pa motibo di circunstancia, temporal no por biba na cas. E fundacion ta ofrece un ambiente sigura y structura pa e muchanan aki y ta duna guia na mayornan of cuidadonan, cu e meta final pa reuni e muchanan cu nan famia na un manera sigur.
Potret: © Kabinet Gouverneur Aruba
