Gobernador ta ricibi CEO di Aruba Airport Authority N.V. (AAA)
ORANJESTAD - Diamars 20 di januari ultimo, Gobernador di Aruba, Su Excelencia Alfonso Boekhoudt, a ricibi Sr. Jonny Andersen, CEO di Aruba Airport Authority N.V. (AAA), pa un audiencia.
Esaki ta e prome audiencia di Sr. Andersen desde su nombracion oficial na comienso di e luna aki. Sr. Andersen ta trece mas cu 20 aña di experencia di liderazgo internacional den e sector di aeropuerto, cual el a obtene den varios posicion di maneho na varios organisacion di aeropuerto na Europa, Africa y den Caribe.
Aruba Airport Authority N.V. (AAA) ta maneha y controla nos Aeropuerto Internacional Reina Beatrix. E aeropuerto ta sigui engrandece y ta pasando den un fase di renobacion y expancion significante.
Potret: © Kabinet Gouverneur Aruba
