G3+ overleg

E file aki ta den archivo.

ORANJESTAD - Dialuna 27 di mei Gobernador di Aruba, Su Excelencia Alfonso Boekhoudt, a ricibi Gobernador di Corsou, Su Excelencia Lucille George-Wout, Gobernador di Sint Maarten, Su Excelencia Ajamu Baly y Secretario di Estado di Relacionnan den Reino y Digitalisacion, Alexandra van Huffelen, na Cas Ceremonial di Gobernador pa e asina yama ‘G3+ overleg’. 

E reunion aki ta tuma luga por lo menos dos biaha pa aña. Durante e G3+ overleg e tres Gobernadornan, hunto cu Secretario di Estado a bishita Universidad di Aruba, unda nan a haya un recorido na e Maria convent y tambe a haya un presentacion tocante e programs ‘Sustainable Island Solutions through Science, Technology, Engineering and Mathematics’ (SISSTEM).

Tambe a para keto na e proximo despedida di Secretario di Estado Van Huffelen.

Potretnan: © Kabinet Gouverneur Aruba