Fundacion Autismo Aruba y Comision Nacional di Autismo ta organisa Congreso pa Educador

E event ta tuma luga diaranson 14 di otober 2026, di 9:00 am pa 4:00 pm den ballroom di Aruba Marriott Resort & Stellaris Casino.  

E evento importante aki lo conta cu presencia di Minister di Educacion, kende lo efectua e apertura oficial cu un discurso di inspiracion pa e educadornan presente.

E congreso ta specialmente enfoca riba maestronan y profesionalnan cu ta traha cu muchanan di 0 te cu 6 aña. Durante e dia, lo percura pa un programa amplio unda lo trata temanan crucial manera:

• Señalamento trempan di autismo;
• e importancia di stimulacion y intervencion na tempo;
• participacion di mayornan, e proceso di diagnostico;
• regulacion emocional y bienestar di e docente (Teacher Care);
• e relacion entre e trastorno di desaroyo di idioma (TOS) y autismo;
• hermentnan practico pa brinda apoyo den e ambiente escolar.

Ta realisa e iniciativa aki den colaboracion estrecho cu varios organisacion relevante den e sector di salud y cuido social, entre nan MDC, Wit Gele Kruis (WGK), Departamento di Salud Publico (DVG), Respaldo, FEPOH, Departamento di Asunto Social y Fundacion Pa Nos Muchanan. Durante e evento, e organisacionnan aki lo ta presente tambe cu standnan di informacion pa orienta y guia e participantenan.

Minister di Educacion Gerlien Croes ta gradici tur e instancianan cu ta haci e evento aki posibel y pa organisa e congreso aki den un ambiente profesional pa nos educadornan.