Festival di Cuminda di Expo Salud: Promove Salud y Bienestar 2025 ta tuma luga riba 27 di september
ORANJESTAD – Departamento di Salud Publico (DVG) invita comunidad pa nan 'Food Festival' di Expo Salud: Promove Salud y Bienestar 2025.
Prepara bo mes pa un expo yen di energia, producto fresco y cuminda saludabel—un experencia inspirado pa yuda bo biba bo miho bida awor mes.
Pasa y descubri muestranan local, of tuma un tiki tempo pa relaha, conecta cu otro y gosa di platonan dushi y saludabel.
E aña aki, e Food Festival no ta solamente un evento, sino un celebracion completo di un bida mas saludabel y feliz.
Bin na un biahe culinario inolvidabel y descubri un mundo di sabor cu ta nutri bo curpa y bo alma na mes un momento. Descubri un gran variedad di cuminda y bebida cu ta dushi y saludabel.
Mas cu un festival, Expo Salud ta un oportunidad pa:
- Sinti inspiracion y siña cos nobo;
- Conecta cu otro cu tin e mesun pasion pa bienestar;
- Tuma pasonan na caminda pa un estilo di bida na unda salud y trankilidad ta bay man den man.
No perde e oportunidad aki pa nutri bo mente, curpa y alma.
Save the Date: 27 di september 2025
E Food Festival for Health na unda salud y trankilidad ta bay man cu man —nos ta warda bo!