Exprodesk ta invita comerciantenan pa participa na ‘Arubaverse 2.0’ na San Nicolas

E proyecto lo tin varios tayer/ meetups mensualmente y lo termina na maart 2024. E prome encuentro na San Nicolas pa 2024, ta diaranson 31 di januari na The Hub at San Nicolas (B. v/d Veen Zeppenfeldstraat 70-72), di 6:30pm pa 8:00pm. Participacion ta gratis y e idioma lo ta papiamento y ingles. Pa participa mester registra na: https://bit.ly/arubaverse.

Proyecto ‘Arubaverse 2.0’
‘Arubaverse 2.0’ ta consisti di diferente tayer cu e meta pa informa tur participante riba e ultimo avancenan tecnologico manera ‘blockchain’; e futuro di pago digital; bienes digital/NFT, Inteligencia Artificial y mucho mas! Pa e motibo aki, ta invita tur entrepreneur y comerciante local pa un tayer exclusivo tocante ‘Trading in Forex, Cryptocurrencies, and Market Makers’, cu FX Elite Trading Academy Aruba lo presenta. Durante henter e proyecto ta pidi tur participante pa trece un laptop pa por experiencia den un forma practico con pa aplica inmediatamente tur loke nan a siña.

Tayer ‘Trading in Forex, Cryptocurrencies, and Market Makers’

FX Elite Trading Academy Aruba ta facilita e tayer aki cu ta diseña pa tur persona cu ta interesa den mehora su conocemente di e mundo di ‘trading’ den e mercadonan financiero.

Den e tayer aki lo trata e siguiente topiconan:
• Introduccion na Forex y Criptomonedanan: obtene informacion riba e fundamentonan di e mercado di divisas y e floreciente mundo di criptomoneda;
• Market Makers: comprende e papel crucial di e ‘creadonan’ di mercado den loke ta trata likides y stabilidad di prijs;
• Strategianan pa ‘trade’ cu exito: siña strategianan comproba di expertonan di industria pa opera di manera efectivo den e mercadonan di divisa y criptomoneda;
• Sesion di pregunta y contesta: un sesion interactivo unda por haci preguntanan na e profesionalnan experencia.

Oradonan local y internacional
Lo tin varios orado local y internacional durante e proyecto aki. Pa 31 di januari
2024, lo tin e oradonan local sr. John Alexis Geerman, sr. Terrence E Polak y Festus Richard Bargues di FX Elite Trading Academy Aruba.
Pa mas informacion di e proyecto ‘Arubaverse 2.0’, por tuma contacto cu sra. Sharon
Meijer via: s.meijer@deaci.aw