EXPO Promove Salud y Bienestar 2024
ORANJESTAD - Departamento di Salud Publico (DVG), anualmente conhuntamente cu Plataforma Promocion di Salud representa pa SVB, AZV, HAVA, POH, IBiSA, HLC, HOH, y FADA ta organisa “EXPO Promove Salud y Bienestar”.
E aña aki, un bez mas ta preparando pa e EXPO cu lo tuma luga diadomingo 13 di october den Renaissance Convention Center.
DVG ta hayando diferente yamada di stakeholders y di comunidad relaciona cu un expo cu ta tumando luga na september cu ta hiba e nomber “SALUD”. Pa kita tur duda, DVG ta enfatisa cu nan no ta forma parti di e actividad (expo) SALUD cu ta tuma luga durante september na Hyatt Place.
EXPO Promove Salud y Bienestar di DVG y Plataforma Promocion di Salud ta luga diadomingo 13 di october na Renaissance Convention Center y e aña aki lo carga e tema “Ban Papia di Obesidad” cu ta en conexion cu e STEPS2023!
Pronto DVG y Plataforma Promocion di Salud lo duna mas informacion di e EXPO Promove Salud y Bienestar 2024 cu ta completamente gratis yena di booth di informacion, charla interesante, chekeo gratis y mucho mas.
Pa mas informacion like Facebook page Directie Volksgezondheid DVG Aruba, Follow DVG riba Instagram directie_volksgezondheid_aruba, subi website www.dvg.aw, yama na 5224200 of mail na servicio@dvg.aw.
