Entrante 1 di maart 2025 tin servicio di dokter di cas via Huisartsenpost San Nicolas!
E file aki ta den archivo.
ORANJESTAD - Organo Ehecutivo AZV anuncia cu awor tin un huisartsenpost na San Nicolas tambe. Entrante diasabra 1 di maart 2025 ta inicia servicio di HAP (Huisartsenpost) na Instituto Medico San Nicolas (ImSan).
E servicio di Huisartsenpost ta -manera ya ta conoci- pa ora hende bira malo pafo di e orarionan regular di nan dokter di cas.
Con pa yega HAP San Nicolas?
Bo ta bay na e entrada principal di ImSan.
Orario di HAP San Nicolas:
- Dialuna pa diabierna: 06:00pm – 10:00pm
- Diasabra y diadomingo: 09:00am-01:00pm & 06:00pm-10:00pm
Organo Ehecutivo AZV ta gradici ImSan y HAVA pa e bon colaboracion na bienestar di e aseguradonan di AZV.
