E mercado di buki di mas grandi na Aruba
ORANJESTAD - Biblioteca Nacional Aruba (BNA) ta invita un y tur pa su mercado grandi di buki segunda mano.
E mercado ta habri otro siman di dia 3 pa dia 7 di augustus, y e orario ta di 8:30 di mainta pa 4:30 di atardi y ta pa 1 siman so, na biblioteca publico na Playa. Por busca trankilamente pa e buki perfecto y por stock pa full aña. Biblioteca ta warda tur bishitante y amante di buki.
Esaki ta un bon chens pa busca den un cantidad grandi di buki pa algo interesante y diferente. Tin tesoro sigur sigur! Bukinan ta bay na prijs di 1 florin pa buki.
Descubri un seleccion hopi amplio di buki pa grandi y chikito. For di novelnan emocionante y bukinan pa mucha te na titulonan informativo y inspirativo – tin algopa tur hende!
