DVG ta invita comunidad na EXPO Promove Salud & Bienestar 2026, un festival yen di salud, sabor y diversion!
ORANJESTAD - Directie Volksgezondheid (DVG), den colaboracion cu Plataforma Promocion di Salud, ta invita henter comunidad di Aruba na e di 5 edicion di EXPO Promove Salud & Bienestar, cu lo tuma luga diasabra 17 di october, di 6:00 pa 10:00 di anochi, dilanti di edificio di DVG na Oranjestad.
Entrada ta completamente gratis!
Bou di e tema “Wellness Festival”, DVG ta trece un anochi alegre y educativo pa henter famia, yen di actividad, movecion, sabor y bienestar.
Bishitantenan por disfruta di diferente stands informativo, chekeonan di salud gratis, actividadnan fisico y descubri opcionnan nobo di cuminda y bebida delicioso y mas saludabel. Un oportunidad unico pa siña cu come saludabel por ta sabroso, varia y accesibel!
Pa esnan cu kier pone curpa na movecion, tin un Fun Walk/Run di 2.5 KM, organisa hunto cu Fundacion Movemento ta Bida, cu ta cuminsa pa 5:30 di atardi. Regista awo via Fundacion Movemento ta Bida of pa mas informacion yama 5603975.
Invita bo famia, amigonan y conocinan! Bin disfruta, siña, move y descubri con cambio chikito por contribui na un bida mas saludabel.
EXPO Salud 2026, haci e escogencia saludabel e escogencia mas facil!
