DVG ta introduci un orario special pa esnan cu tin peticion den proceso na DIMAS
ORANJESTAD – Departamento di Salud Publico su seccion Warenkeuring en Hygiene (DWH) ta informa cu nan a introduci un orario special pa atende cu personanan cu ta solicita un certificado di salud (carchi berde) pero cu no tin status legal na Aruba, y cu nan peticion ta actualmente den proceso na DIMAS.
Pa e grupo di cliente aki lo atende nan solamente riba diaranson pero durante henter dia. For di 7.45 pa 11.30 am y 1.15 pa 3.30 pm
Seccion di DWH ta pidi tur persona cu ta den e situacion menciona pa tene cuenta cu e orario indica, pa asina por garantisa un proseso ordena y un miho servicio.
