DVG ta alerta biahero y bishitante di Suriname tocante riesgo di Chikungunya!
ORANJESTAD - Directie Volksgezondheid Aruba (DVG) ta informa comunidad cu Suriname actualmente ta confrontando brote di e malesa Chikungunya.
Pa motibo cu Aruba tin buelonan directo pa y for di Suriname, DVG ta conseha tur persona cu:
- Ta planea pa biaha pa Suriname
- A caba di yega for di Suriname recientemente
- A of ta bay ricibi bishitante for di Suriname
pa keda alerta pa Chikungunya.
Chikungunya ta un malesa viral cu ta transmiti pa e mesun sangura cu ta transmiti Dengue (sangura pata blanco).
E sintomanan mas comun ta:
- Keintura diripiente
- Dolor fuerte di articulacionnan, p.e. pols, enkel, rudia, elleboog
- Dolor di cabes,
- Dolor di musculo,
- Cansancio
- Rash riba cuero (tin biaha)
Normalmente e sintomanan ta presenta entre 2 y 12 dia despues di a wordo pica pa un sangura infecta cu e virus.
DVG ta pidi tur biahero y residentenan pa tuma e siguiente precaucionnan:
Keda alerta pa sintomanan.
Si bo ta biahando pa Suriname of despues di regresa for Suriname, bo desaroya e sintomanan menciona aki riba, percura pa busca asistencia medico.
Semper menciona bo historia di biaha.
Ora bo bishita un doctor of proveedor di cuido di salud, menciona claramente si bo a biaha recientemente (den e ultimo 14 dia nan) pa Suriname of si bo a ricibi bishitante di Suriname. E informacion aki ta esencial pa un evaluacion y cuido adecua.
Preveni pica di sangura.
Persona cu sintomanan mester tuma extra precaucion. Pa evita di wordo pica pa sangura, pa asina preveni transmision local di e vius. Esaki ta encera uza repelente contra sangura, bisti camisa cu manga largo y carson largo, keda paden y evita bishita areanan publico si tin sintoma.
Proteha bo mes y bo famia
- Tur hende ta wordo encurasha pa elimina awa para innecesariamente rond y paden di cas y trabou.
- Controla scoternan bou mata, taira of tur otro articulonan grandi y chikito cu por retene awa pa asina reduci criadero di sangura. Pasobra menos sangura nifica menos chens pa transmision di e vius riba nos isla.
DVG ta sigui informa comunidad riba topiconan cu ta concerni salud publico pasobra, Bo Salud, nos Prioridad!
Pa keda semper bon informa:
- Like Facebook page Directie Volksgezondheid DVG Aruba
- Follow riba Instagram directie_volksgezondheid_aruba
- Subi www.dvg.aw
- Yama 5224200
- Mail na servicio@dvg.aw.
