Directie Infrastructuur en Planning ta anuncia fecha pa peticion di kavel den aña 2027

Desde 11 di november 2026 por cuminsa deposita e formulario di peticion te cu diabierna 13 di november 2026 na oficina di DIP. 

E maneho di 2026 ta keda vigente.   E maneho ta consisti di informacion detaya di proceso procedura pa bin na remarke pa haya un precario vergunning pa kavel. 

Desde e aña 2026 ta menciona nomber y fam di ganador di kavel, otro informacion di ganador no lo publica pa proteha e privacidad di e ganador. 

Tambe nos kier a informa cu a agrega mas kavel pa publico. E aña aki lo tin 231 kavel totaal. Un parti di Linear Park lo ta kavel pa publico. Mester tene na cuenta cu esaki tin un midi mas chikito.  

Ta importante pa menciona cu e secuencia pa haya kavel lo keda mescos. Pa esnan cu ta desea di mira lista di ganador, por pasa libremente na oficina di DIP. E lista di ganador lo ta disponibel despues cu nos ricibi’e for di notaris. 

Con pa aplica: 

• Download Formulario Kavel y Formulario Vent Kavel ta disponibel. 
• Zegel/stampia ta disponibel na Post kantoor na balor di 4 florin. 
• Yena e peticion completo y corecto, pega un zegel/stampia na dje. 
• Deposita esaki den e buzon corespondiente na loket di DIP na Sabana Blanco 68. 
• Desde diaranson 11 di november 2026 te cu diabierna 13 november 2026 por deposita e formulario di peticion. 
• Dialuna 16 di november 2026 lo saca e ganadonan di kavels pa 2027. 

Punto di atencion: 

• Peticionnan cu ser entrega sin stampia of yena incompleto ta considera invalido. 
• Por cuminsa pone trailers 1 siman prome cu Carnaval, y mester kita trailers dentro di 1 siman despues di Carnaval. 
• Na ganado di un kavel y vent kavel nos ta pidi pa cumpli cu regla cu nos ta pone den vergunning 
• Na ganado di un kavel y vent kavel por fabor manda un identificacion valido y un prueba di persoonsnummer di belastingkantoor na carnaval@dip.aw y menciona e nummer di kavel ganador den e email.