DIMP cera pa mantencion necesario

ORANJESTAD - Departamento di Impuesto, DIMP, ta anuncia cu e oficina principal na Camacuri lo ta cera pa publico riba diamars 17 di juni y diahuebs 18 di juni 2025.

Esaki ta pa motibo di trabounan di mantencion necesario na e edificio. Mientrastanto, Departamento di Impuesto kier sigura cu ta sigui brinda servicio na publico sin interupcion.

Servicio na cliente lo keda normalmente disponibel via 522-7424, for di 7.45 am te 11.30 am y for di 1.15 pm te 3.30 pm.

Departamento di Impuesto ta pidi su contribuyentenan pa tuma bon nota di e anuncio importante aki pa asina evita cualkier inconveniencia.

Aki bou ta un skema di e servicionan pa 17 y 18 di juni.

Oficina principal na Camacuri, CERA

Otro oficinanan cu ta brinda e siguiente serviconan: servicio di caha, registrashon di vehiculo di motor, haci cambio riba vehiculo di motor, y entrga plachi di number ta:

  • MFA Noord
  • MFA Paradera
  • MFA Santa Cruz
  • MFA Savaneta
  • Postkantoor San Nicolas 

Nan orario ta di 8:00 am pa 12:00 merdia y di 1:00 pm to 3:00 pm.