Dia Mundial contra Uzo y Abuso di Droga!
ORANJESTAD – Departamento di Salud Publico (DVG) ta informa cu dia 26 di juni ta e Dia Mundial contra Uzo y Abuso di Droga, un dia pa lanta consciencia riba e impactonan serio cu e sustancianan dañino aki tin den nos sociedad.
E enfoke principal ta prevencion, salud publico y duna apoyo na esnan cu tin mester di tratamento pa recupera.
Abuso di droga no ta djis un problema personal; e ta destructivo pa tur hende rond.
Aki tin 5 cos cu uzo y abuso di droga ta destrui:
- Salud fisico y mental: Droga ta daña e curpa completo y por causa trastornonan mental grave, organicamente afectando e celebro y e organonan vital.
- Famia y relacionnan : E ta kibra e confiansa, ta causa division, violencia domestico y ta trece un carga emocional hopi pisa pa e sernan stima.
- Futuro y educacion di e hobennan: E ta afecta concentracion y motivacion, hibando hopi hoben na bandona scol of perde oportunidadnan grandi di trabou.
- Economia y bienestar financiero: E uzo di droga ta hiba na gastonan enorme, y cu e absuo, ta hiba na perdida total di entrada y propiedad.
- Sigurida den comunidad: E comercio ilegal y e adiccion ta aumenta criminalidad y violencia, afectando paz y trankilidad di nos vecindarionan.
Laga nos enfoca riba educa nos hobennan, cambia castigo pa tratamento, y apoya e caminda pa recuperacion.
Droga ta causa destruccion so, keda leu for di dje!
