Dia Internacional di Prome Auxilio

ORANJESTAD – Ta observa Dia Internacional di Prome Auxilio anualmente riba e di dos diasabra di september. 

Na 2026, el a tuma luga dia 12 di september. E dia aki ta un recordatorio cu e prome minuutnan despues di un accidente of un emergencia di salud ta crucial, y cu e prome persona cu ta na e sitio por haci e diferencia entre bida y morto.  

Den un situacion di emergencia, nos no por keda warda solamante riba e personal di ambulans of dokter. 
E prome asistencia cu bo ta brinda den e prome momentonan di mas critico ta stipula e rumbo di e recuperacion di un persona. 

Por ehempel:

  • Sa con pa stop un sangramento severo;
  • Kico pa haci ora un persona ta choca;
  • Con pa aplica CPR (resusitacion cardiopulmonar).

Tur esakinan ta conocemento basico cu tur hende mester tin. 

Un kit di prome auxilio na cas ta esencial:  

Tene un kit di prome auxilio completo y facil pa alcansa na cas ta un responsabilidad di tur famia  

Un bon kit mester contene:

  • Band-Aid di diferente tamaño y gasa steril;  
  • Tape pa verband y sker; 
  • Desinfectante (manera alcohol of povidone-iodine);  
  • Handschoen di latex of nitrile;  
  • Zalf pa kemadura leve y pilder pa dolor.  

Conocemento ta poder, accion ta salba bida 

Mas cu simplemente tene un kit, ta fundamental pa tur miembro di famia sa e informacion basico, con pa uza nan y con pa reacciona cu calma ora un situacion di salud rekeri esaki. 

Siña e basico di prome auxilio ta un inversion den e siguridad di bo sernan keri y di bo comunidad. 

Bo no mester ta un dokter ni un nurse pa haci un impacto grandi.  

Cu un tiki conocemento, e kit adecua na cas, y e curashi pa actua, cada persona por ta un heroe y por salba un bida.

Pa keda semper informa:

Dia Internacional di Prome Auxilio