Departamento di Trafico a muda pa Savaneta

Warda di Polis renoba na Savaneta

ORANJESTAD - Cuerpo Policial Aruba (KPA) ta informa comunidad cu entrante 16 di juli 2025 Departamento di Trafico di KPA ta situa na den su localidad nobo na Savaneta.

Despues di a restaura e Warda di Polis na Savaneta percela 110, na su version original, nos di Cuerpo Policial Aruba tin honor di tin un edificio antiguo cu hopi historia na nos encargo. 

Den e edifico aki ta bay ubica e Departamento di Polis di Trafico y Planologie. Warda di Polis Savaneta lo ta operacional solamente pa e Departamento di Trafico. E Warda ta ubica riba e caminda principal di Savaneta cerca di MFA Savaneta.

Esaki tambe ta nifica cu tin un number di telefon nobo pa comunica cu e Warda aki:

  • Polis di trafico:  281-3120
  • Planologie:  281-3121 / 281-3122 of 281-3123

Bario di Savaneta awor tin un bisiña amigo policial bek cu ta Departamento di Trafico y Planologie.