Departamento di Impuesto ta registra compania den forma digital
ORANJESTAD - Actualmente Departamento di Impuesto (DIMP) ta duna e servicio di registra compania completamente den forma digital.
Esnan cu tin un compania nobo tin e obligacion di paga impuesto y por meld e compania aki via un di e formularionan digital.
𝗧𝗶𝗻 𝗱𝗼𝘀 𝘁𝗶𝗽𝗼 𝗱𝗶 𝗳𝗼𝗿𝗺𝘂𝗹𝗮𝗿𝗶𝗼:
- Aanmelding eenmanszaak
- Aanmelding onderneming of samenwerkingsverband
𝗔𝗮𝗻𝗺𝗲𝗹𝗱𝗶𝗻𝗴 𝗲𝗲𝗻𝗺𝗮𝗻𝘀𝘇𝗮𝗮𝗸
Por uza e formulario aki pa empresa propio (eenmanszaak) of un persona cu ta eherce un profesion independiente.
𝗔𝗮𝗻𝗺𝗲𝗹𝗱𝗶𝗻𝗴 𝗼𝗻𝗱𝗲𝗿𝗻𝗲𝗺𝗶𝗻𝗴 𝗼𝗳 𝘀𝗮𝗺𝗲𝗻𝘄𝗲𝗿𝗸𝗶𝗻𝗴𝘀𝘃𝗲𝗿𝗯𝗮𝗻𝗱
Por uza e formulario aki pa compania cu no ta eenmanszaak por ehempel NV of VBA. Alabes por uza e formulario pa entidadnan cu tin un acuerdo di colaboracion cu otro manera: 'maatschap' of 'vennootschap onder firma' (vof).
Introduccion di e formularionan digital tin beneficio pa ambos partido. Nos ta balora bo tempo como comerciante y por ofrece den e mesun rosea un servicio mucho mas eficiente y rapido pa asina bo negoshi por cuminsa cumpli cu e debernan di impuesto na tempo.
Lesa mas: https://www.impuesto.aw/onderneming.
