Departamento di Cultura Aruba ta invita pa Encuentro Mondiacult 2025
ORANJESTAD - Departamento di Cultura Aruba (DCA), hunto cu Gobierno di Aruba, ISLA.X y UNESCO Aruba National Commission, ta invita tur interesadonan pa participa den Encuentro Mondiacult 2025, cu lo tuma lugar:
- Dia: Diabierna, 12 di september 2025
- Ora: 9:00 AM – 12:00 PM
- Localidad: Crisis Management Office (CMO), Wayaca 33-E, Oranjestad
E encuentro aki ta duna oportunidad pa contribui na e dialogo nacional y mundial referente maneho cultural. Durante e sesionnan, lo wordo trata diferente topico relevante pa cultura, identidad y desaroyo cultural di nos pais Aruba den contexto global.
Mondiacult 2025 ta un plataforma mundial di UNESCO pa reforza e importancia di cultura como un pilar central pa sostenibilidad y desaroyo di comunidadnan. Aruba, manera parti di e dialogo global, lo tin su bos y contribucion por medio di e encuentro local aki.
Registracion
Interesadonan por registra via e link aki.
Departamento di Cultura Aruba ta invita tur actornan cultural, institucionnan, artistanan, y comunidad en general pa forma parti di e dialogo aki y contribui na un futuro cultural sostenibel pa Aruba.
