Delegacion di UNESCO a bishita Prome Minister
ORANJESTAD - Marva Browne, Secretario General di UNESCO Corsou hunto cu un delegacion di UNESCO Aruba, a haci un bishita cerca Prome Minister Mike Eman cu ta encarga cu cultura na Aruba.
A intercambia informacion relaciona cu ratificacion e diferente convenionan cu tin riba e area di cultura.
UNESCO a crea e Convention for the Safeguarding of the Intangible Cultural Heritage (Convencion pa Salvaguardia e Herencia Cultural Intangibel) na 2003.
Reino Hulandes a ratifica e Convencion na 2012, y Miembronan Asocia di UNESCO dentro di Reino a co-ratifica e Convencion na 2012 (Aruba), 2014 (Sint Maarten) y 2016 (Corsou).
Su metanan ta:
- Pa salvaguardia e herencia cultural inmaterial;
- pa garantisa respet pa herencia cultural inmaterial di e comunidadnan, gruponan y individuonan concerni;
- pa conscientisa na nivel local, nacional y internacional di e importansia di e herencia cultural inmaterial, y di garantisa aprecio mutuo di esaki;
- pa percura pa cooperacion y yudansa internacional.
E uzo di inteligencia artificial den e meta di UNESCO a conduci na crea e documento di Artificial Intelligence Ethics na 2021. Esaki ta regula e uzo di inteligencia artificial pero na manera controla. Pa esaki UNESCO a crea dos herment pa yuda e paisnan miembro den e uzo di AI. Un ta e Readyness Assesment Methodology den cual ta inventarisa kico e pais tin den cuadro di ley pa e uzo di inteligencia artificial. Inteligencia Artificial ta un herment hopi importante hasta den cultura pero mester sa di uza esaki debidamente.