Curso “Leeskracht” a finalisa na IPA
ORANJESTAD - Recientemente e curso “Leeskracht” a tuma luga na Instituto Pedagogico Aruba (IPA).
Leeskracht ta dirigi riba motivacion di lesamento y placer di lesamento cerca muchanan multilingual. E curso ta consisti di cinco modulo. E meta di e programa ta pa provee docentenan cu herment y tipnan practico. Haciendo esaki nan ta impulsa e confiansa propio y disfruta di lesamento di e studiantenan. Di parti di Biblioteca Nacional Aruba a participa: Valerie Figaroa, Kimberly Rasmijn y Jarmin Croes (Flecha blauw). Na final tur participante a ricibi nan certificado.
A desaroya e curso riba iniciativa di Biblionef Nederland cu sosten di Stichting Lezen, Taalunie y Netwerk NVT Carib. De Taalkoffer a duna e training.
