Curso Dominio di Idioma 2026/2027 di Fundacion Corector di Papiamento
ORANJESTAD - Mirando e interes cu tin y a peticion general, Fundacion Corector di Papiamento (FCP) ta bolbe organisa e curso Dominio di Idioma.
E prome curso, cu a finalisa na juli ultimo tabata un exito total y nos por conta cu 20 graduado cu a termina e curso cu exito. E curso ta duna pa 3 docente di Papiamento, Sra. Lilian Hernandez, Sra. Rubiela Bernabela y sosteni pa Sra. Magriet Pourrier.
E curso di Papiamento aki ta dirigi riba esnan cu ta interesa pa skirbi y papia Papiamento corectamente.
E curso ta consisti di :
- Duracion: 4 modulo di 13 les cada un
- Orario: diasabra di 9:00 di mainta pa 12:30 di merdia y e lesnan lo tuma luga na Luga: Biblioteca Nacional Aruba (BNA) riba.
- Contenido: habilidad di skirbi, lesa, papia y scucha. Tambe lo siña revisa texto y con pa aplica regla di ortografia, gramatica y sintaxis.
Costo y certificado
Costo: AWG 500 pa cada modulo, cu ta encera tambe material pa les.
Certificado: Despues di cada modulo lo ricibi un certificado y na final lo haya un diploma reconoci door di Examenkamer di Hulanda.
Fecha cu ta cuminsa: 13 di januari 2026.
Test di admision
Pa drenta e curso e interesado mester pasa un test di admision pa determina si e tin e conocemento basico di ortografia y gramatica di Papiamento.
- Fecha di e test: diasabra 25 di october 2025
- Orario: 9:00 di mainta pa 12:00 di merdia
- Luga: Lokaal na EPI (Venusstraat #3)
- Costo di e test AWG.25,=
- Number di cuenta di banco: Aruba Bank # 6012620190 – na nomber di Fundacion Corector di Papiamento
Inscripcion
Por inscribi riba e https://forms.gle/QeAp4vP9CL3aCK2CA of via nos email: papiamento.aruba@gmail.com