Crucero Legend of the Seas di Royal Caribbean’s ta bishita Aruba pa di prome biaha

ORANJESTAD — Riba 18 di november 2026, e barco crucero Legend of the Seas di Royal Caribbean a haci su prome bishita na Aruba.

E ceremonia oficial a inclui e tradicional intercambio di plakkaat conmemorativo. Como parti di e bishita, Royal Caribbean a entrega un total di 10,000 dollar na dos fundacion local cu ta traha pa proteha nos lama y bida marino.

Entre esnan presente na e ceremonia tabata Minister di Turismo, Transporte y Labor, mr. Wendrick Cicilia, Marc Figaroa, CEO di A.P.A., Ronella Croes, CEO di A.T.A., y Jo-Anne Arends, kende ta presidente di e Hunta di Supervision di ATA. Royal Caribbean Group tabata representa pa Wendy McDonald, Regional Vice President, Government Relations – Caribbean | Royal Caribbean Group y Melissa Morales, Assistant Vice President, Destination Development, Americas & EMEA | Royal Caribbean Group. McDonald tabata un di e ehecutivonan di Royal Caribbean cu a participa na PAMAC 2025, cu Aruba tabata anfitrion di dje.

Royal Caribbean a haci un donacion di 10,000 dollar na Stichting ScubbleBubbles – Aruba Youth for the Ocean y 10,000 dollar na Stichting Turtugaruba. E representantenan di ambos fundacion tabata presente pa ricibi e donacionnan.

E programa a inclui tambe un recorido abordo, organisa specialmente pa e delegacion gubernamental, durante e recorido Royal Caribbean a presenta su iniciativanan ambiental y su trabou riba sostenibilidad.

“Mi kier gradici tur e teamnan cu a haci e bishita aki posibel. Mi ta reconoce e liderazgo di Marc Figaroa na A.P.A. y Ronella Croes na A.T.A., y e trabou di nan teamnan di Royal Caribbean y di tur esnan cu a yuda ricibi nos bishitantenan. Cada persona tin un esencial den e bonbini cu Aruba ta brinda”, Minister Cicilia a indica.