Coronacion di Reina Folklore Cultural 2024
ORANJESTAD - Dia 24 di augustus 2024, den anticipacion pa e Parada Cultural diadomingo dia 1 di september relaciona cu celebracion di Dia di Brazil, a tuma luga e acto di coronacion y show cultural organisa pa Fundacion Chico Harms.
Riba e anochi aki, e Reinanan Folklore Cultural a presenta den nan trahe cultural y a tuma luga e coronacion di e Reina Cultural, cual a bira nos Pilar Cultural sra. Filomena (Chichi) Croes.
Minister di Finansa y Cultura, Xiomara Maduro, tabatin e honor di por a corona e Reina Cultural, y alabes gradici Fundacion Chico Harms, pa tene nos cultura na halto y brasa nos cultura, pero principalmente pa duna un y tur e oportunidad pa biba nos cultura cu eventonan asina.
Diadomingo 1 di September 2024, un y tur ta invita pa presencia y disfruta di e Parada Cultural cu ta tuma luga na Brazil.