Con Measles (sarampi) ta transmiti su mes.

Cerca algun hende un infeccion cu Measles por ocasiona complicacion serio y hasta morto. 

Un persona contagia cu Measles por infecta entre 12-18 persona na e mesun momento.

Measles ta afecta e via respiratorio y despues ta plama den full e curpa. 

Sintomanan ta:

• Keintura halto;
• tosamento;
• nanishi ta core;
• mancha blanco chikito den boca;
• un rash cu ta cuminsa na cara y ta plama pa e curpa completo. 

Measles ta plama di hende pa hende via aire of superficie. Na momento di tosa of nister, droplets ta sali y ta keda “zweef” pa un rato den aire pa despues cay riba algun superficie. Durante e tempo cu e droplets ki ta den aire un persona por inhala e droplets aki pa medio di su nanishi of por piki e droplets aki for di riba un superficie cu su man y hiba esaki na su boca, nanishi of wowo. Un persona ta infeccioso for di ora cu su sintomanan cuminsa (4 dia prome cu rash aparece) te cu 4 dia despues cu e rash aparece.

Tin algun cosnan cu por ser haci pa reduci e risico di transmiti of di keda contagia cu Measles.

• Tosa of nister den papel of haci esaki den elleboog;
• tira papel uza mesora den baki sushi;
• laba man frecuentemente cu awa y habon;
• no comparti cups, cuchiu cu forki, serbete, paña of cama.

Measles por conduci na complicacion serio si e plama pa otro partinan di curpa manera pulmon y celebro. Complicacionnan cu por surgi ta:

• Pulmonia;
• Meningitis;
• Cieguedad;
• Infeccion di orea.

Muchanan no vacuna, hende muher na estado of esnan cu un sistema inmunologico comprometi (debil) ta esnan mas vulnerabel pa desaroya complicacion. 

Bo salud ta bo responsabilidad, tuma accion pa proteha bo mes contra measles.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw.