Ceremonia protocolario Dia di Rey 2025
ORANJESTAD - Diasabra 26 di april 2025 Gobernador di Aruba, Su Excelencia Alfonso Boekhoudt y su esposa Sra. Hanneke Boekhoudt-Koetse, a atende e ceremonia protocolar di Dia di Rey.
Na e ocasion aki nan a wordo ricibi na Wilhelminapark pa e prome minister di Aruba Sr. Mike Eman.
Despues di e inspeccion di e guardianan arma, a hisa e bandera di Reino y e bandera di Aruba durante un ceremonia cortico, sigui pa tocamento di e Himnonan di Hulanda y Aruba. E Presidente di Staten di Aruba, Sr. Marlon Sneek a duna un discurso na e ocasion di Dia di Rey.
E ceremonia a sigui cu algun presentacion di canto y baile, un discurso di prome minister Eman y entrega di e Copa Felipe B. Tromp. E diferente ganadonan a haya nan trofeo y premio di estimulo for di man di Gobernador Boekhoudt.
Na final di e ceremonia, diferente gruponan di scout a tene un desfile.
Potretnan: © Kabinet Gouverneur Aruba