Celebracion 60 aniversario di Bertha Ivonne Wolff-Croes den farandula di Aruba
ORANJESTAD - Recientemente den un Cas di Cultura yena di un publico grandi, sra. Bertha Ivonne Wolff-Croes a celebra su di 60 aniversario den farandula cu un show titula, ‘Concierto di Mi Bida.’
Tabata un anochi bunita yena cu varios presentacion di Bertha y tambe di e grupo di artista invita cu a haci e anochi uno masha special pa Bertha y e publico presente. Minister di Finansa y Cultura Xiomara Maduro hunto cu Prome Minister Evelyn Wever-Croes tambe tabata presente pa felicita Bertha y disfruta di e bunita concierto.
Pa e ocasion special, Minister Maduro den nomber di Gobierno di Aruba a reconoce e aniversario importante aki pa Bertha dentro di farandula na Aruba. Bertha no solamente a sa di deleita nos cu su canto, pero Bertha a conmove nos tambe cu su poemanan y tambe su bunita voz na radio pa mas di 30 aña caba.