Cas Marie ta habri nan segundo localidad: Mama Ties

Na september 2023, directiva di Cas Marie a presenta nan plan di expansion pa 2024. Un plan cu ta alinea cu e vision cu Ministerio di Asunto di Adulto Mayor. E cantidad di hende cu demencia ta aumentando rapidamente aki na Aruba, y ta obvio cu mester amplia e capacidad pa por cumpli cu e demanda.

Menos cu un aña despues cu a presenta e plan pa expande, famia Croes y Cas Marie, a logra habri su di dos localidad, den e bario di Santa Cruz. Cas Marie ta un partner importante den e proyecto di Pasadia, un proyecto principalmente pa adulto mayor cu ta core riesgo di keda socialmente isola. Cu e apertura di Mama Ties, mas adulto mayor ta haya e oportunidad pa kede den un circulo social.  

Mama Ties ta un logro cu a rekeri hopi colaboracion pa crea un ambiente unda cada adulto mayor por sinti nan mes balora y aprecia.
E apertura di Cas Marie na Mama Ties ta un bunita proyecto cu sigur tin un significacion grandi pa henter famia Croes, kendenan a pone e hogar di nan mayornan disponibel pa sirbi un meta hopi importante pa nos pais.

Ministerio di Asunto di Adulto Mayor ta manda palabra di pabien na Cas Marie pa e gran
paso aki cu ta un testamento di un futuro yena cu posibilidad y oportunidadnan positivo pa e
bienestar di nos adultonan mayor.