Cambio di procedura pa aplicacion di productonan consular
ORANJESTAD - Gabinete di Gobernador di Aruba ta informa cu, entrante 1 di october 2025, lo ta posibel pa schedule un cita den e luna di januari te cu maart 2026, pa entrega un peticion pa productonan consular, manera Opcion of Naturalisacion, Visa y Paspoort Nacional.
Pa aplica pa esaki por fabor tene cuenta cu e siguiente procedemento:
Stap 1
Bo ta pasa bishita e balie di informacion na e Departamento Consular durante e orario regular di consulta.
Durante e bishita aki bo ta ricibi informacion y un lista di tur e documentonan necesario pa e peticion specifico cu bo tin mester.
E orario regular di consulta ta:
- Dialuna 2PM – 4PM
- Diamars 2PM – 4PM
- Diaranson 9AM – 12PM
- Diahuebs 9AM – 12PM
- Diabierna 9AM – 12PM
Stap 2
Unabes cu bo entrega tur documentonan necesario segun e lista cu bo a ricibi, bo por pasa atrobe na e Departamento Consular durante e orario regular di consulta. Siguientemente, lo controla e documentonan cu bo a entrega si nan ta completo y valido.
Stap 3
Si tur documento ta na ordo, mesora por traha un cita pa entregamento di e peticion oficial pa e producto en cuestion.
Finalmente lo planea bo cita den e siguiente orario disponibel.
