Calamidad no ta avisa. Informa nos ta miho prepara.
ORANJESTAD – Directie Volksgezondheid (DVG) ta invita comunidad pa reflexiona riba e evento natural cu a tuma lugar ayera tardi, 24 di juni 2026, ora un temblor fuerte di magnitud 7.2 y 7.5 a wordo registra den region di Venezuela.
Afortunadamente, Aruba no a sufri daño tampoco efecto di esaki pero e situacion aki ta recorda nos cu calamidadnan por sosode sin aviso.
E pregunta importante pa cada ciudadano ta: bo ta suficientemente informa y prepara pa sa kico pa haci si un calamidad asina afecta Aruba un dia?
Riba e paginanan aki por haya mas información tocante calamidad:
Comunidad por haya informacion practico, consehonan util y accionnan cu mester tuma prome, durante y despues di diferente tipo di calamidadnan.
Entre otro ta trata e temanan:
- Temblor di tera;
- Tsunami;
- Huracan;
- Candela den cas;
- Enfermedadnan infeccioso;
- Preparacion di un emergency kit;
- Numbernan di emergencia y otro informacion importante.
DVG ta encurasha tur residente pa tuma un momento pa bishita e paginanan menciona y familiarisa nan mes cu e informacion disponibel. Preparacion ta cuminsa cu conocimiento.
Calamidad no ta avisa. Informa nos ta miho prepara.