CAft ta duna conseho positivo riba uitvoeringsrapportage 2.

A entrega “Uitvoeringsrapportage” na CAft  riba 8 di augustus. Cu esaki Aruba a cumpli cu loke ley ta bisa: a  entrega  di dos uitvoeringsrapportage na tempo den un termino di maximo 6 siman despues di cada kwartaal.

Segun CAft e di dos uitvoeringsrapportage ta duna un bista positivo. Entradanan di belasting ta mas halto cu a premira. Cu esaki ta yega na un saldo financiero provisional di 364 miyon florin na fin di juni 2025 of 5 porciento di e producto interno bruto. CAft ta indica cu Aruba ta cumpli provisionalmente cu e norma di saldo di financiamiento y tambe cu e norma di gastonan di personal. E porcion di debe di 72 porciento ta keda hopi bou di e caminda di reduccion di debe cu a  acorda.

Den e mesun conseho tambe CAft ta indica cu ehecucion di inversionnan ta kedando atras a consecuencia di escases den e sector di construccion como resultado di crecemento economico persistente, aprobacion laat di e presupuesto, complehidad di algun proyectonan y retonan den e capacidad di ehecucion.

Basa riba e di dos uitvoeringsrapportage, CAft ta constata cu tin espacio adicional den presupuesto pa motibo di meevallers y subutilisacion di inversionnan. Ademas tin surplus proyecta na e fondonan di SVb y AZV. CAft ta recomenda pa uza e surplus principalmente pa pago di debe.

E conseho di CAft riba e di dos raport di ehecucion di e presupuesto ta mustra cu Aruba ta riba e rumbo pa cumpli cu e normanan di presupuesto manera ancra den ley. Recomendacionnan di CAft ta di balor agrega pa hunto cu Gobierno na un manera transparante sigui mehora e finansa publico di nos isla segun minister di Finansa, asunto Economico y Sectpr Primario Geoffrey Wever.