Bishita EUROJUST
ORANJESTAD - Durante su recien bishita di trabao na Hulanda, Minister di Husticia, Integridad y Transporte Publico, mr. drs. Arthur Dowers a haci un bishita di cortesia na centro di European Union Agency for Criminal Justice Cooperation (EUROJUST) situa na Den Haag.
Aki Minister Dowers a haya un splicacion amplio di e tarea di EUROJUST den continente Europeo.
E desaroyo mundial ta exigi cooperacion entre paisnan pa por contraresta crimen organisa. Desde cu a forma Union Europeo, crimen organisa a crea un red di cooperacion criminal hopi avansa. Esaki ta netamente pa cual a bin cu EUROJUST den cual e sistemanan hudicial di cada pais ta bin hunto na momento cu un caso criminal ta regarda mas cu un pais Europeo. E cooperacion entre e huesnan, fiscalnan di ministerionan publico (publieke aanklagers)) Europeo sinta hunto na Den Haag, ta yuda prepara intercepcionnan hudicial den casonan criminal.
Como e centro di UE pa cooperacion hudicial, EUROJUST ta duna sosten practico na fiscalnan y huesnan ku ta traha hunto den e lucha contra criminalidad c uta transpasa frontera.
Eurojust ta un organisacion Europeo cu ta yuda paisnan den Union Europeo pa traha hunto contra delitonan serio cu ta crusa frontera, manera crimen organisa, terorismo, traficacion di hende, y fraude.
E rol principal di EUROJUST ta encera:
- Coordinacion: Yuda autoridadnan di husticia di diferente pais pa traha hunto riba casonan complica.
- Sosten: Duna asistencia huridico y operacional pa investigacion y caso legal cu ta envolvi diferente pais.
- Intercambio di informacion: Facilita e cambio sigur di informacion entre autoridadnan.
- Reforsa accion legal: Duna conseho y yuda desaroya strategia hunto pa combati criminalidad.
- Centro di Reunion y Coordinacion: Organisa reunion pa coordina casonan hunto entre paisnan.
- Ta garantisa cu paisnan por traha hunto y tuma accion mas rapido contra delitonan cu ta crusa frontera.
Minister Dowers a keda impresiona cu e operacion di EUROJUST pero tambe di e personal cu ta traha den e organisacion importante aki. Asina Minister Dowers a topa cu un Arubano trahando pa EUROJUST y a topa tambe cu ex Procurador General Alexander van Dam cu desde januari 2022 ta miembro nacional Hulandes di EUROJUST.