Biblioteca ta anfitrion pa un anochi di Poesia organisa pa Ateliers ‘89
ORANJESTAD - Ateliers ’89 ta organisa un anochi di Poesia bou guia di artista/poeta Arturo Desimone titula ‘Sisti sinti y skirbi cu sumpiña’.
Un anochi literario yen di sumpiña cayente. Esaki ta tuma lugar diaranson 24 di september y e ta cuminsa 7or.
Pa un luna largo, un grupo di poeta a practica na Ateliers ’89 riba skirbimento y presentacion di poema. Presentacion ta bay ta den Lieverd Leescafe di biblioteca na Playa. E grupo cu ta presenta ta:Willem Bandt, Arielle Croes, Angelo Angela, Sebastian Torres, Marjorie Vermeer, Enrique Aaron y Jayburtt Dijkhoff.
Despues di nan presentacion tin ‘Open Mic’ y un brindis.
