Ban Studia y EducationUSA ta yega na studiantenan mas tempran
ORANJESTAD - Ban Studia y EducationUSA ta continua cu nan compromiso pa guia y informa hobennan Arubiano den nan preparacion pa enseñansa superior.
Como parti di nos vision pa yega na studiantenan entre 1 te 2 aña prome cu graduacion, recientemente Ban Studia y EducationUSA a bishita Mon Plaisir College y De Schakel Aruba. Na tur dos scol, a duna un presentacion na e dos klasnan di HAVO 4 y un klas di VWO 5, compartiendo informacion riba oportunidadnan di estudio local y internacional y e importancia di cuminsa planifica na tempo.
Despues di e presentacionnan na Mon Plaisir, e mentor di e grupo a enfatisa su mes riba e importante pa bolbe bishita e scol pa presenta tambe na un klas di VWO 4. Esaki ta confirma e importancia di orientacion trempan y e interes creciente pa duna studiantenan mas tempo pa explora nan opcion nan academico.
Durante e sesionnan, studiantenan a haya informacion riba diferente opcionnan educativo, oportunidadnan di estudio den exterior y e sosten cu Ban Studia y EducationUSA ta ofrece durante henter e proceso di orientacion academico.
Nos ta mira cu e interes y e demanda creciente pa informacion y guia entre studiantenan y scolnan. Preparacion trenpan ta yuda hobennan tuma decisionnan consciente y bon informa riba nan futuro academico y profesional.
Ban Studia y EducationUSA ta invita otro scolnan secundario na Aruba pa tuma contacto. Hunto nos por sigui traha na un futuro mas fuerte pa nos hobennan, ofrece nan e informacion, guia y hermentnan necesario pa logra exito.
Pa mas informacion, pa haci un cita of pa coordina un presentacion na bo scol, por tuma contacto cu Oficina di Ban Studia y EducationUSA na (+297) 281-5183 of (+297) 561-6284, via email na info@banstudia.com of svaldez@educationusa.org, of bishita nos pagina web www.banstudia.com.