Baki den Bario 27 di juli 2024 na Savaneta

Tur luna ta organisa e actividad di Baki den Bario den diferente districto y hunto cu mas cu diez partner cu ta colabora cu otro, ta provee comunidad un parke di separacion di desperdicio unda por deshaci di ocho diferente tipo di desperdicio. 

Baki den Bario ta un iniciativa di e campaña nacional 'Limpi Limpi' pa conscientisa e poblacion riba e importancia pa procesa desperdicio debidamente. Separacion di desperdicio ta yuda haci e proceso di reciclahe mas eficiente y ta reduci polucion di nos medio ambiente.
 
Bureau City Inspector lo t'ey pa yuda informa riba e tipo di desperdicio acepta, educa riba e manera corecto pa hiba esakinan na e bakinan y percura cu e evento cana na manera ordena. Ademas, Serlimar a pone nan servicio di transporte disponibel pa tur cu mester ayudo pa recoge desperdicio separa di cas y trece esakinan na Baki den Bario. Por yama nan pa e servicio aki via whatsapp 597-4268.  Serlimar su service desk lo t'ey pa clientenan por regla nan cuenta di pago of haya mas informacion di nan servicio. 

Ta importante pa reduci e cantidad di desperdicio cu nos como isla ta produci, y un manera pa logra esaki ta pa reuza mas hopi  posibel. Fundacion Pa Nos Comunidad lo tey presente y lo acepta articulonan den bon estado cu por haya un doño nobo. Articulonan acepta ta, entre otro, muebles, paña y co’i hunga.

Pa Baki den Bario ta eficiente y ordena, ta importante pa separa tur desperdicio adelanta. Asina por logra haci mas cu un buelta pa entrega desperdicio di cas y evita congestionamento innecesario na e parke di desperdicio.

Pa mas informacion di e maneho di desperdicio y e fechanan di Baki den Bario, por bishita www.limpi.aw.