Aumento di reparatietoeslag pa pensionado

Durante e encuentro, Prome Minister a comparti e grato noticia cu entrante 30 di april, mas di 19.000 pensionado di AOV (Algemene Ouderdomsverzekering of AOV) lo mira un aumento efectivo di 250 florin riba nan entrada mensual, den forma di reparatietoeslag. E aumento aki ta representa un cambio substancial despues di hopi aña. E prome pago di e aumento di 250 florin na reparatietoeslag ta tuma luga e siman aki

Ademas, mas cu 2000 persona cu tin pension di viuda y huerfano, pues e Algemene Weduwen- en Wezenverzekering (AWW) tambe lo haya e aumento aki tur luna. OPPA, representando un grupo grandi di nos comunidad, a indica na varios ocasion cu hopi pensionado ta lucha pa cubri necesidadnan basico tur luna. Gobierno, reconociendo esaki, ta compromete pa sigui sondea maneranan pa amplia y fortalece e sosten financiero pa esnan cu tin solamente un pension.