Arubaverse 2.0 educando riba Foreign Exchange, Crypto Trading y mas na The Hub
ORANJESTAD - Departamente di Asunto Economico, Comercio y Industria, DEACI, pa medio di su unidad Exprodesk, ta organisando Arubaverse 2.0. Arubaverse 2.0, ta un serie di tayer interesante riba diferente topico di tecnologia digital moderno.
Diaranson 31 di januari 2024, na The Hub na San Nicolas, a tuma luga e di cuater (4) tayer di Arubaverse 2.0, caminda a focus riba capacitacion di publico den e mundo compleho di mercado financiero ("trading"), incluyendo Stocks, Forex, Binary Options, y Crypto Currency (criptomoneda).
Pa e tayer aki, Exprodesk a colabora cu ITFM Global FX y Elite Trading Academy Aruba.
Ta mira varios oportunidad pa desaroyo personal y profesional, unda e habitantenan di San Nicolas y Aruba completo por probecha di e oportunidadnan cu e mercado financiero mundial ta ofrece. Esaki sin embargo ta bin cu su set di desafio y riesgo.
Ta vital pa e publico ta bon informa tocante e riesgonan asocia cu inversion, particularmente den area manera Forex, Binary Options y Cryptocurrency. Banda di fluctuacion di balor, tambe ta enfrenta un enemigo cu constantemente ta modifica su strategia: "Scammers". P'esey ta importante pa nos pueblo ta bon prepara cu e conocemento necesario pa identifica y evita intentonan di estafa.
Keda pendiente pa mas tayer interesante di Arubaverse.io