Aruba ta anfitrion pa Conferencia di ‘Destination Caribbean 2025’ di Northstar Meetings Group

Northstar Meetings Group ta un partner confiabel y lider entre organisadonan di evento empresarial, planificadonan di evento, y profesional di programa di incentivo den e sector corporativo, asociativo, y demas partnernan.

Den 2024, ATA a profundisa colaboracion, asistiento na tres evento importante di e grupo, esta SMU International, Incentive Live, y Destination Caribbean.

Ta considera e conferencia di ‘Destination Caribbean’ como e evento principal pa profesionalnan di reunion y incentivo cu ta organisa y reserva pa grupo pa negoshinan den Caribe. E evento ta conecta cumpradonan di nivel halto cu e destinacionnan principal di e region entre diferente hotel, resort, línea di crucero, y organisadonan di turismo.

Durante di e conferencia di ‘Destination Caribbean 2024’ na Atlantis na Bahamas, representantenan local di Aruba Convention Bureau, hunto cu e ekipo di Northstar a organisa un evento special pa oficialmente anuncia cu Aruba lo ta anfitrion di e conferencia di 2025. Na Destination Caribbean 2024 a comparti atraccionan unico di Aruba, duba un actualisacion di e producto, y introduci partnernan valioso.

Destination Caribbean 2025 ta un oportunidad importante di por yama Bonbini na e profesional di nivel halto, caminda cu lo duna e oportunidad pa experiencia ‘The Aruba Effect’, mientras cu ta presenta e futuro desaroyo di un industria turistico mas responsabel y sostenibel. Alabes, e conferencia aki lo sirbi pa conecta partnernan local cu profesionalnan influencial den e industria.

ATA ta gradici Hilton, Embassy Suites, Joia-Iberostar, Barcelo, ECO, y De Palm DMC pa cu e conferencia aki. Nos ta mira dilanti na un colaboracion continuo y exitoso cu Northstar Meetings Group, pa asina por crea un evento inolvidabel y yama Bonbini na lidernan di e industria di MICE.