Apertura di Recruitment Office pa traha na Secrets Aruba

Un ekipo local profesional ta cla pa asisti tur esnan interesa pa solicita pa un di e diferente vacaturanan cu Secrets ta ofrece.

Secrets Baby Beach by Hyatt lo habri fin di 2024 y ta crea oportunidad di empleo specialmente pa esnan cu ta biba na San Nicolas. E cadena di hotel aki ta uno reconoci rond di mundo, y ta brinda e oportunidad di empleo cu bon beneficio pa su empleadonan.

E apertura di Hotel Secrets ta habri un capitulo nobo den economia di San Nicolas y lo ta un catalisado pa desaroyo di comercio na San Nicolas. E exito di Hotel Secrets Baby Beach ta den man di expertonan den e industria procedente di San Nicolas.

Prome Minister Evelyn Wever-Croes tawata presente pa e apertura di e Recruitment Office di Secrets Aruba ta haci un invitacion na henter e comunidad pariba di brug pa pasa e recruitment center, busca informacion di e trabounan cu Secrets ta ofrece y entrega un aplicacion pa asina abo tambe por forma parti di e hotel prestigioso aki. 

Pa mas informacion por tira un bista riba nan website.