A otorga 176 permiso pa negoshi nobo den segundo kwartaal 2024
ORANJESTAD - Un di e tareanan di Ministerio di Asunto Economico, ta otorga permiso na esnan cu ta cuminsa un negoshi of kier haci cambio den e permiso existente.
Esaki ta ankra den ley y por haci esaki door di haci un peticion digital na Departamento di Asunto Economico, Comercio y Industria (DEACI)
Den e periodo di april te cu juni 2024 a ricibi 6 diferente tipo di peticion cu un total
di 610 peticion. Di e 610 peticion ricibi, a trata y otorga 213 peticion, 211 peticion ta den tramite y 186 peticion a keda pendiente pa falta di documento of pago.
Di e 213 permisonan cu a otorga, 176 ta pa negoshi nobo. Di e 176 permiso di negoshi nobo otorga, 23 tawata pa un eenmanszaak, 16 pa filiaal, 135 pa VBA, y 2 pa un vennoot di un VOF.
Real Estate, houdstermaaschappij, koffiehuis-restaurant-café- etc., companianan di construccion, kleinhandel den diferente articulonan manera paña, hoya y e-commerce ta e actividadnan comercial pa cual mas a otorga permiso.
Na october 2022 Gobierno a introduci e vestigingsbeleid nobo cu meta pa acelera e proceso di otorgamento di persmiso door di digitalisacion, cu e meta pa stimula e sectornan prometedor (promising sectors), inversion den centro di Oranjestad y San Nicolas.
Minister di Asunto Economico, Comunicación y Desaroyo Sostenibel Geoffrey Wever ta aplaudi DEACI pa nan compromiso pa percura pa procesa e permisonan pa negoshi na forma eficiente y lihe.
Den e brochure Business Establishment policy guidelines (English) y Beleidsrichtlijnen vestiging van bedrijven (Nederlands) mas informacion riba e proceso pa permiso di negoshi.
