A lansa webpage “ARUBA SHOWCASE” pa productonan local
ORANJESTAD - Recientemente, Minister di Asunto Economico, Comunicacion y Desaroyo Sostenibel Geoffrey Wever hunto cu DEACI y Expodesk a lansa e webpage yama "Aruba Showcase" (https://www.exprodesk.com/showcase-products/).
Un pagina crea specialmente pa nos entrepreneurnan local. Riba e pagina aki productornan local tin e oportunidad pa “list” nan productonan cu e meta pa exporta esakinan.
Durante e evento di lansamento, tabata tin diferente stand cu productonan local cu ta obtenibel caba tur rond riba nos mercado local manera Chuculati, Pica, Biña, Souvenirs, Arte y mucho mas. Esaki ta un muestra cu nos tin diferente entrepreneur cu ta produci localmente.
E webpage aki mester fungi como e plataforma unda tur esnan cu tin un producto produci aki na Aruba por showcase nan producto pa benta y expande nan negoshi riba e mercado internacional.
Ministerio di Asunto Economico ta haci un yamada na tur esnan cu tin un producto local, pa tuma contacto cu Expodesk pa asina nan tambe por showcase nan producto riba e plataforma nobo aki completamente gratis.